Kryetarja e Kuvendit Vjosa Osmani tha se heroizmi dhe sakrifica e familjes Jashari ia shpalosi botës pamjet e errëta.
Osmani në seancë solemne për shënimin e 22-vjetorit të Epopesë së Ushtrisë Çlirimtare të Kosovës, shtoi se beteja e Jasharajve është shndërruar në një inspirim për mijëra të rinj e të reja.
“Sot e përkujtojmë sakrificën e familjes Jasharaj. Ai dhe gjithë familja e tij e dinin që makineria serbe synonte shfarosjen e familjes së tij dhe të gjithë popullit të Kosovës. Ai së bashku së me anëtarët e tjerë të familjes ishin mësuar të rrethoheshin dhe të jetonin me kërcënime të vazhdueshme”.
“Familja rezistoi për më shumë se 36 orë dhe shumica anëtarëve ranë nën shembjet e shtëpisë. Heroizmi dhe sakrifica e kësaj familje ja shpalosi botës pamjet e errëta të shtetit serbe. Ata e prekën ndërgjegjen e një populli të shtypur”.
Osmani tha se beteja e Jasharajve është shndërruar në një inspirim për mijëra të rinj e të reja.“Ishte zëri i 10 fëmijëve që ëndrra ju pre pa nisur mirë por ëndrra e tyre u përhap gjithandej. Beteja e Jasharajve u shndërrua në një inspirim për mijëra të rinj e të reja. Dhe sot ne ju falemi atyre për ta nderuar kujtimin e secilit veç e veç”.
“Historia e secilit prej tyre është historia e Kosovës, dhe mbi të gjitha është dëshmi se sa e kushtueshme është jeta dhe sa e shtrenjtë ishte liria jonë”, tha ajo.
Osmani tha se familja Jasharai ka mbrojtur dinjitetin kombëtar dhe nuk ka pranuar të nënshtroheshin me asnjë çmim. Ajo tha se shqiptarët kanë dëshmuar se janë kryengritës dhe liridashës.
“Adem Jashari dhe gjithë luftëtarët e tjerë e mbrojtën pragun e shtëpisë tonë. Familja Jashari mbrojti dinjitetin qytetar dhe nuk pranuan rë nënshtroheshin me asnjë çmim. Historia e Kosovës është zhvilluar mbi ndjenjën e fuqishme të lirisë por fatkeqësisht na është cenuar shumë shpesh”.
“Në secilën rast ne kemi dëshmuar për këto dy tipare të shpirtit tanë kryengritës dhe liridashës. Ne do ti kërkojmë fëmijëve tanë që të jenë qytetar të mirë, por duhet të ju sigurojmë drejtësi”, tha Osmani.
Në shënimin e 22-vjetorit të Epopesë së Ushtrisë Çlirimtare të Kosovës në kuvendin e Kosovës janë të pranishëm Rifat Jashari dhe trashëgimtarët e familjes Jashari.
https://vimeo.com/395655944
