Lidhur me kërkesën e presidentit të Kosovës, Hashim Thaçi, për mbajtjen e seancës në Kuvend, ku do të raportonte para deputetëve për vizitën dhe takimet e tij në SHBA, ka reaguar këshilltari i kryeparlamentarës Osmani, Faton Peci.
Peci përmes një postimi në rrjetin social Facebook ka thënë se ”Kryetarja e Kuvendit të Kosovës, Vjosa Osmani nuk e ka refuzuar mbajtjen e seancës së kërkuar nga presidenti i vendit, por datën e cakton Kuvendi dhe nuk e imponon asnjë institucion tjetër”.
Postimi i plotë:
- Kryetarja e Kuvendit të Kosovës, Vjosa Osmani nuk e ka refuzuar mbajtjen e seancës së kërkuar nga presidenti i vendit, por datën e cakton Kuvendi dhe nuk e imponon asnjë institucion tjetër
- Presidenti nuk ka kërkuar, por ka urdhëruar konvokimin e një seance të Kuvendit të Kosovës sot për sot, veprim i cili nuk mund të bëhet as në bazë të Kushtetutës, por as në bazë të praktikave të mëhershme të presidentëve të mëparshëm
- Presidenti nuk ka kërkuar raportim e as seancë të jashtëzakonshme, por vetëm adresim, ndaj të cilit deputetët nuk mund të bëjnë pyetje apo komente pas fjalimit të tij. /InLajmi/
