Parlamenti ukrainas caktoi sot si kreun e ri të qeverisë, Denys Chmygal, i cili zëvendësoi Oleksiï Gontcharouk, i detyruar të japë dorëheqjen pas gjashtë muajsh në detyrë për shkak të rezultateve të dobëta në ekonomi.
Në favor të kandidaturës së Chmygal, i propozuar nga presidenti Volodymyr Zelensky, votuan 291 deputetë.
“Qeveria e mëparshme bëri gjithçka mundi, por sot ukrainasit kanë nevojë për një qeveri që do të bëjë edhe të pamundurën dhe do të funksionojë për njerëzit”, tha presidenti, duke prezantuar kandidatin e tij para deputetëve, transmeton Periskopi.
Chmygal, 45 vjeç, premtoi para votimit se do të merret menjëherë me sfidat me të cilat po përballet vendi, me qëllim që të shmangë një krizë ekonomike, të zhvillojë industrinë dhe të përmirësojë klimën e investimeve.
