Përgatitja e duhur e Mbledhjes së Përbashkët të të dy Qeverive, angazhimi për një analizë të detajuar të hapësirave të bashkëpunimit dhe konkretizimi i veprimeve të akorduara, ishin objekte te bashkëbisedimit miqësor që kishim së bashku me Ambasadorin Minxhozi, ka njoftuar ministri i Jashtëm Glauk Konjufca.
Kryediplomati kosovar përmes një statusi në rrjetin social Facebook ka bërë të ditur se takimi është zhvilluar sot.
“Gjatë ditës së sotme zhvillova një takim pune me Ambasadorin e Republikës së Shqipërisë, z. Qemal Minxhozi”, ka shkruar Konjufca.
Postimi i plotë:
Gjatë ditës së sotme zhvillova një takim pune me Ambasadorin e Republikës së Shqipërisë, z. Qemal Minxhozi.
Në këtë takim kemi biseduar në lidhje me Mbledhjen e Përbashkët të Qeverisë së Republikës së Kosovës dhe Këshillit të Ministrave të Republikës së Shqipërisë.
Përgatitja e duhur e Mbledhjes së Përbashkët të të dy Qeverive, angazhimi për një analizë të detajuar të hapësirave të bashkëpunimit dhe konkretizimi i veprimeve të akorduara, ishin objekte te bashkëbisedimit miqësor që kishim së bashku me Ambasadorin Minxhozi. /InLjami/
