Qeveria e Kosovës ka votuar të premten për shkarkimin e Bordit Mbikëqyres të “Trepçës”.
Ministrja e Ekonomisë, Punësimit, Tregtisë, Industrisë, Ndërmarrësisë dhe Investimeve Strategjike, Rozeta Hajdari ka thënë se mbështetur në ligjet, Republika e Kosovës është pronare e 80 për qind të aksioneve të “Trepçës”, e qeveria si ushtruese e detyrave të aksionarit emëron gjashtë nga nëntë drejtorët në bordin mbikëqyrës dhe mund t’i shkarkojë këta drejtorë sipas ligjit për ndërmarrje publike, shkruan Koha.net.
“Sipas ligjeve, qeveria mund t’i shkarkojë drejtorët kur ka arsye të besojë se i kanë shkelur detyrat fiduciare”, ka thënë ajo.
