Këshilltari i Kryeministrit Kurti, Shkelzen Gashi, është tallur me mundësinë e përkeqësimit të raporteve të Kosovës me mbështetësin më të madh ndërkombëtar të Kosovës, Shtetet e Bashkuara të Amerikës.
Gashi ka ironizuar me mundësinë e braktisjes së Kosovës nga SHBA-të, duke krahasuar SHBA-të me me Hitlerin e Musolinin.
“Kuku, mos po na braktisë perandoria osmane… kjo bre perandoria austro-hungareze… në fakt, gjermania e dajës hetë (Hitlerit), jo, italia e dajës musë (Musolinit)… jo bre, deshta me thanë mos po na braktisë Amerika, Amerika, se s’m’u kujtojke“, ka thënë Gashi, shkruan GazetaMetro.
Kryeministri Kurti është duke u ballafaquar me presion të shtuar të bashkësisë ndërkombëtare dhe veçanërisht të administratës së presidentit amerikan Trump për heqjen e taksës ndaj Serbisë dhe Bosnje e Hercegovinë.