Komuna e Prishtinës ka përuruar çerdhen “Cicërimat” prej 1 mijë metra katrorë ” në lagjen Kalabria, investim i Bashkimit Evropian
Kryetari i Komunës së Prishtinës, Shpend Ahmeti, deklaroi se të hënën kjo çerdhe do t’i ketë 85 fëmije derisa kapaciteti i saj është për 120 fëmijë.
Mes tjerash, Ahmeti njoftoi se çerdhja e radhës me BE-në është në lagjen Dardania, me pas vetëm komuna do të hap çerdhet në Arbëri dhe Veternik.
“Edhe një çerdhe e mrekullueshme në komunë. Të hënë do ti kemi 85 fëmije, kapaciteti 120 fëmijë, në një hapësirë prej 1 mijë metra katror. Intervenimi në fëmijërinë e hershme është intervenimi më i rëndësishëm që mund të bëjmë. Çerdhja ka kushtuar mbi 600 mijë euro”.
“Çerdhja e radhës me Komisionin Evropian është në Dardani me kapacitet 100 fëmijë. Derisa vet si komunë do të kemi çerdhet në Arbëri dhe Veternik”, u shpreh Ahmeti.
Zëvendësdrejtorin e Arsimit, Jusuf Thaçi, njoftoj se do të ndryshohet plani legjislativë dhe rritje të buxhetit për arsimin.
Thaçi theksoi se nuk do të lejohen çerdhe pa licencë në Komunën e Prishtinës.
“Falënderojmë BE për këtë donacion. Uroj prindërit e kësaj lagje qe ti edukojnë fëmijët e tyre në këtë kopsht. E kemi paraparë në planin legjislativë të futet ne ndryshim ligji me udhëzime administrative. Kemi bërë përpjekje për të rritë buxhetin në nivel vendi. Do ta adresojmë edhe çështjen në komunitet. Dhe çështje private ku ndodhin skandale dhe nuk janë të evidentuar fare në Komunën e Prishtinës”, u shpreh ai.
Përfaqësuesi i BE-së, Luigi Brusa, tha se BE beson në gjeneratën e re të Kosovës. 22 edukatore do punojnë në këtë çerdhe, raporton Ekonomia Online
“Është një projekt për të ardhmen e Kosovës, fëmijët e Kosovës. Ne besojmë në Kosovën dhe në gjeneratën e re. Qe të sjellin një perspektiv të re. 85 fëmijë mund të jenë pjesë e kësaj çerdhe dhe 22 edukatore mund të punojnë këtu. Ftoj komunën dhe organet kompetente që të kujdesen për të ardhmen. 50 milionë euro kemi ndihmuar në edukimin pasi ne besojmë në Kosovën”, ka thënë Brusa
https://vimeo.com/394163857
