Zyrtari i Lartë i PDK-së, Betim Gjoshi ka reaguar pas vendimit të kryeministrit të Kosovës, Albin Kurti për largimin e taksës 100 për qind ndaj Serbisë.
“Albin Kurti është Kryeministri që po tenton të mashtrojë miqtë amerikan
Sot, Kosova, fatkeqësisht ka një KM që mashtron hapur miqtë amerikan, sponzorin e pavarësisë së Kosovës”, ka shkruar Gjoshi në rrjetin social Facebook.
Postimi i plotë:
Albin Kurti është Kryeministri që po tenton të mashtrojë miqtë amerikan
Sot, Kosova, fatkeqësisht ka një KM që mashtron hapur miqtë amerikan, sponzorin e pavarësisë së Kosovës.
Deklarimi i sotëm i KM të Kosovës për t’ia hequr plotësisht Serbisë Tarifën 100% brenda 1 muaji është i ndërtuar në një mashtrim.
Pse është mashtrim?
Ky KM nuk është në gjendje t’i përgjigjet me sinqeritet kërkesës amerikane. Përgjigjja në kërkesa të tilla nuk duhet të varet nga sjellja e Serbisë. Pra, Kosova nuk duhet të plotësojë një kërkesë amerikane varësisht nga mënyra se si sillet Serbia. Raportet Kosovë-ShBA nuk duhet të ndikohen nga Serbia.
Përveç kësaj, Albin Kurti është KM i parë shqiptar që beson se Serbia do të ndryshojë brenda 1 muaji, pra deri më 1 prill. Kjo është e çuditshme sepse Serbia nuk ka ndryshuar që 100 vjet! <<Një muaj>> është koha shtesë që KM po mundohet ta fitojë. Kjo tregon paaftësi dhe mungesë guximi për t’u përballur me këto probleme.
I vetmi që ka ndryshuar këtu është ky KM, i cili po sillet pa identitet të qartë politik e shtetëror.
Mbajeni mend, prej sonte, 27/02/2020, fushata e Serbisë kundër pavarësisë së Kosovës nuk është më FUSHATË ARMIQËSORE. Fatkeqësisht KM i Kosovës po mundohet t’i gjejë fjalët më të buta për Serbinë. U mjaftua duke e kategorizuar vetëm si fushatë JOMIQËSORE!
Ky KM për Serbinë po gjen fjalët më rehabilituese dhe më të buta, por me sponzorin e pavarëisë së Kosovës, SHBA’të, ka kohë që ka rrezikuar raportet miqësore e shtetërore.
/InLajmi/
