Presidenti i Kosovës, Hashim Thaçi nga Pentagoni iu është përgjigjur kryeministrit të Kosovës, Albin Kurti për akuzat e tij se Thaçi e ka shkelur Kushtetutën.
Kurti sot me një letër drejtuar kryekuvendares, Vjosa Osmani ka publikuar pretendimet se presidenti i Kosovës, aso kohe, kryeministër i vendit, Hashim Thaçi ka shkelur Kushtetutën e Kosovës me një marrëveshje “të fshehtë me NATO-n”.
E për këtë i menjëhershëm ishte reagimi nga ana e presidentit të vendit, Hashim Thaçi, i cili përmes njw shkrimi në rrjetin social tha, ”Kosova të jetë sa më shpejtë anëtare e NATO-s”.
Postimi i plotë:
Zëvendëssekretarin e Mbrojtjes, David Norquist, sot e falënderova për mbështetjen e SHBA-së për themelimin e ushtrisë së Kosovës. Kosova tashmë e ka ushtrinë e vet profesionale dhe me standarde të NATO-s, që është e gatshme gjithmonë të përfshihet në misionet humanitare e paqeruajtëse në botë, krah për krah me Shtetet e Bashkuara të Amerikës. Ne ndamë bindjen e njëjtë se është vitale për sigurinë në Evropën Juglindore që Kosova të jetë sa më shpejtë anëtare e NATO-s. HTH /InLajmi/
https://www.facebook.com/HashimThaciOfficial/videos/184399879530544/
