Ministri i Punëve të Brendshme, Agim Veliu, sot ka caktuar Gentiana Azemin në pozitën e këshilltarës së lartë politike dhe gjithashtu, edhe shefe të kabinetit.
Këtë e ka bërë të ditur Gentiana nga një postim në rrjetin social facebook, ku ka shkruar se ndihet mjaft e vlerësuar dhe e nderuar që i është besuar kjo pozitë.
“Sot, ndihem shumë e nderuar dhe e vlerësuar ngase më është besuar një deyrë e re, Këshilltare e Lartë Politike – Shefe e Kabinetit të Ministrit të Ministrisë së Punëve të Brendshme dhe Administratës Publike, Agim Veliu”, shkruan InLajmi.
Gjithashtu, Azemi ka shkruar se do të punojë më përkushtimin më të madh për të arritur suksese.
“Detyra e re, nuk është veç privilegj, por edhe një përgjegjësi e madhe për mua, andaj do të punoj me përkushtimin më të madh në arritjen e sukseseve në këtë digaster të rëndësishëm qeveritar.
Prioritetet tona, për një qeverisje më të mirë dhe sistem ndryshe do t’i realizojmë bashkë me ministrin Veliu”.
Përndryshe Gentiana ka qenë e angazhuar në zyrën për media të partisë ë Lidhjes Demokratike të Kosovës./InLajmi/
