Kryeparlamentarja Vjosa Osmani e shoqëruar nga kryeministri, Albin Kurti kanë bërë homazhe te kompleksi memorial “Adem Jashari”, në Prekaz, për nder të 12-vjetorit të Pavarësisë, raporton Ekonomia Online.
Osmani tha se sakrifica e familjes Jashari të jetë udhërrëfyes për brezat e ardhshëm.
“Sot ishim së bashku me kryeministrin Albin Kurti dhe me anëtarë të qeverisë dhe Kuvendit për të nderuar në këtë 12-vjetor të Pavarësisë së Kosovës sakrificën e familjes Jashari, të Komandantit legjendar Adem Jashari dhe gjithë familjes Jashari që u flijuan që ne ta gëzojmë lirinë dhe ta gëzojmë shtetin tonë”.
“Dhe pikërisht ky vend dëshmon atdhedashurinë që është simbol i asaj sesi duhet vendi dhe duhet të vazhdojë të jetë udhërrëfyes për punën jonë dhe brezat e ardhshëm”, ka thënë Osmani.
Osmani dhe Kurti do të vendosin kurora lulesh te varri i ish-presidentit Ibrahim Rugova, duke filluar nga ora 10:30, dhe nga ora 10:40 te varri i veprimtarit Adem Demaçi.
Nën kujdesin e kryetares Vjosa Osmanit, mbahet seancë solemne në ora 11:00.
Kurse kryeministri Albin Kurti dhe kryetarja e Kuvendit të Kosovës Vjosa Osmani, do të bëjnë një vizitë në Forcën e Sigurisë se Kosovës nga ora 12:00.
Nga ora 13:00 është planifikuar që të bëhet prezantimi i pamjes së re të Obeliskut NEËBORN, ku do të marrë pjesë kryetarja e Kuvendit të Kosovës Vjosa Osmani.
Duke filluar nga ora 18:00, në katedralen “Shën Nëna Terezë”, nën kujdesin e presidentit Hashim Thaçi.
Gjithashtu, edhe komunat kanë paraparë disa aktivitet.
https://vimeo.com/391918409
