Deputetja e Kuvendit të Kosovës Mimoza Kusari- Lila, ka uruar me rastin e përvjetorit të pavarësisë së Kosovës, me fjalë mjaftë emocionuese duke lartësuar vendin, shkruan InLajmi.
Kusari-Lila e cila ndodhet në Emiratet e Bashkuara Arabe, Dubai ditëlindjen e Kosovës e shënon me pjesëmarrjen në Forumin Global për Gratë, Dubai 2020.
Postimi i plotë pa ndërhyrje:
E gëzofsh ditëlindjen e 12-të, të nderofshim e të mbajmë krenare përjetë.
Sot ju uroj të gjithëve në Kosovë nga Emiratet e Bashkuara Arabe, Dubai, ku ditëlindjen e Kosovës e shënoi me pjesëmarrjen time në Forumin Global për Gratë, Dubai 2020.
Sot prezantova në panelin “Gratë udhëheqëse në Qeveri” bashkë me dy ministre dhe një ambasadore pjesëmarrëse dhe unë si deputete e Kuvendit të Kosovës, ish-ZvKM dhe Ministre e MTI-së dhe ish-Kryetare e Komunës.
Isha e nderuar me pjesëmarrjen dhe me pritjen nga organizatori por ende me shumë nga audienca gjatë prezantimit tim për përvojen në politiken Kosovare, vështirësitë, sukseset dhe inspirimin e forcën për të vazhduar tutje përkundër sfidave të vazhdueshme.
Sot e bindur më shumë se kurrë se Kosova është dhe do të tregohet storie suksesi përkundër gjithë çfarë ka kaluar dhe po kalon për momentin, po ndërtojmë rrugën përpara për shtetin e përparuar.
Kosova jonë, nderi dhe krenaria jonë,
Gëzuar #12VjetShtet
