Kryeministri i Republikës së Kosovës, Albin Kurti, mori sot pjesë në shënimin e Ditës së Komunitetit Ashkali.
Me këtë rast, ai theksoi se në Kosovë e kultivojmë diversitetin si pasuri, duke vënë theksin që qytetarët e Republikës së Kosovës do të trajtohen pa diskriminim e pa privilegje, shkruan Klan Kosova.
Po ashtu, kryeministri veçoi se do të shprehin përkushtimin e Qeverisë që ashkalinjtë të mos ndjehen të diskriminuar, të margjinalizuar, por të bëhen ashtu siç duhet të jenë, pra qytetarë të barabartë të shtetit të Kosovës.
