Një 13 vjeçare ka gjetur vdekjen mëngjesin e sotëm në Shkodër, ndërsa barakat ku jetojnë komuniteti rom u përfshinë nga zjarri.
Viktima është identifikuar si Gj. D.. E mitura mësohet se jetonte në Shtëpinë e Fëmijës në Tiranë dhe sipas familjarëve ishte marrë për të qëndruar disa kohë me familjarët e saj.
Policia dhe shërbimi zjarrfikës me dy mjete kanë ndërhyrë në zonë për shuarjen e flakëve. Raportohet se janë djegur disa barake.
“Është një zjarr i rënë në orët e para të mëngjesit në zonën ku jeton komuniteti rom, në hyrje të Shkodrës. Janë shkrumbuar disa baraka që ndodhen ngjitur me njëra-tjetrën. Për pasojë ka gjetur vdekjen një 13 vjeçare. Dy mjete zjarrfikëse kanë ndërhyrë për shuarjen e zjarrit”, raporton Ora News.
Dyshohet që zjarri ka ndodhur si pasojë e pajisjeve ngrohëse që këto familje përdorin për të sfiduar të ftohtin.
