Kryeministri i Kosovës, Albin Kurti gjatë ditës së sotme do të qëndroj për vizitë zyrtare në Tiranë, e cila është vizita e tij e parë jashtë shtetit.
Gjatë vizitës, kryeministri Kurti do të ketë takime të ndara me presidentin Ilir Meta, kryetarin e Kuvendit, Gramoz Ruçi, kryeministrin Edi Rama, kryetarin e Bashkisë së Tiranës, Erion Veliaj dhe kryetarin e Partisë Demokratike, Lulzim Basha, shkruan InLajmi.
Lidhur me këtë vizitë të Kurtit ka reaguar kryetari i Odës Ekonomike, Berat Rukiqi, duke i kërkuar këtij të fundit që t’ia rikujtoj kryeministrit shqiptar Edi Rama që Kosova vazhdon të ketë barriera jo-tarifore për eksportimin e produkteve kosovare drejt Shqipërisë.
Ai përmes një statusi në rrjetin social Facebook ka thënë se, më lehtë eksportohen produktet në drejtim të vendeve skandinave se në Shqipëri.
Postimi i plotë i tij:
I nderuar Kryeminister,
Ja rikujtoni Kryeministrit Rama, ne takimin qe e keni sot, qe:
– Pas Serbise, Shqiperia mbetet vendi me me se shumti barriera jo-tarifore per produktet nga Kosova
– Produkte te caktuara kosovare me lehte eksportohen ne Skandinavi se ne Shqiperi
– Niveli i kembimeve tregtare mes dy vendeve, eshte jo me shume se kembimet mes dy kompanive mesatare evropiane./InLajmi/
