Kryeministri i Kosovës, Albin Kurti është duke vazhduar vizitën e tij në Tiranë.
Kurti është takuar me liderin e Partisë Demokratike, Lulzim Bashën.
Pas takimit, Kurti tha se Kuvendi dhe Qeveria e Kosovës do të bashkëpunojnë në mënyrë që Kosovën dhe Shqipërinë ta lidhin jo vetëm punët zyrtare, por edhe historike për qytetarët shqiptarë që po përjeotjnë varfërinë më të madhe dhe papunësinë më të madhe jo vetëm në rajon.
“Është obligim i yni kudo që jemi tërë kohën ndaj qytetarëve edhe të Kosovës edhe të Shqipërisë për të ngritur bashkëpunimin”, tha shkurt Kurti, transmeton Indeksonline.
Kurse i pari i PD-së, Lulzim Basha falënderoi Kurtin për vizitën, ku tha se e ka siguruar se për partinë e tij prioritet është bashkëpunimi me Qeverinë e Kosovës.
“Do të bëjmë gjithçka për tregtinë e lirë, për bashkëpunim dhe për t’i dhënë shanse rinisë për punë në Shqipëri. Sot dhe nesër do të vazhdojmë fuqimisht mbështetjen nga Republika e Shqipërisë drejtë Republikës së Kosovës për njohje ndërkombëtare si dhe për mundësinë e heqjes së vizave për qytetarët e Kosovës. Kosova mund të mbështetet siç janë mbështetur deri tani plotësisht tek PD për çdo ndihmë për objektivat e tyre sot në opozitë, por edhe nesër”, tha Basha.
