Ish-presidentja e Republikës së Kosovës, Atifete Jahjaga ishte pjesë e koferencës tematike “Anton Çeta dhe 30 Vjetori i Pajtimit të Gjaqeve”.
Në këtë konferencë Jahjaga foli për punën e Profesorit Çeta dhe për gjurmën e pashlyer që ai ka lënë në fushën e pajtimit të gjaqeve në rajon, shkruan InLajmi.
Tutje Jahjaga thotë se pajtimi i gjaqeve, si vlerë historike e kulturore e vendit tonë, ka ndikuar në mbarëvajtjen e rendit dhe ligjit.
Postimi i plotë i saj:
Kisha nderin që të jem pjesë e koferencës tematike “Anton Çeta dhe 30 Vjetori i Pajtimit të Gjaqeve”, ku me shumë krenari fola për punën e Profesorit Çeta dhe për gjurmën e pashlyer që ai ka lënë në fushën e pajtimit të gjaqeve në rajon.
Pajtimi i gjaqeve, si vlerë historike e kulturore e vendit tonë, ka ndikuar në mbarëvajtjen e rendit dhe ligjit atëhere kur institucione dhe ligj të shkruar nuk kishte.
Duhet të mburremi me këtë kapitull të së kaluarës sonë dhe të përkujtojmë vlerat dhe principet që na karakterizojnë si komb./InLajmi/
