Komuna e Dragashit është përballur për disa ditë me reshje bore, ku disa prej fshatrave edhe janë bllokuar.

Kryetari i Komunës së Dragashit, Shaban Shabani, në një lidhje telefonike për “Zyrën e Ankesave” ka bërë të ditur situatën aktuale të rrugëve.

Ai ka thënë se ende po vazhdon problemi i gjendjes së rrugëve pasi për shkak të temperaturave të ulëta kanë ngrica.

“Tash për tash nuk kemi reshje, mirëpo gjendja e rrugës është ende e vështirësuar sidomos në fshatrat të thella, rrugët magjistrale janë lira, kurse rrugët lokale kanë ngrica po duhet të kenë kujdes. Pak a shumë jemi stabilizuar, niveli qendror na kanë jep mbështetje edhe Ministria e Infrastrukturës edhe operatorët tjerë janë munduar që qyetaret ti kenë rrugët e hapur dhe të kenë qasje”.