Policia e Kosovës ka bërë të ditur se një person ka raportuar se derisa ishte duke e drejtuar veturën e tij, Taxi, në të cilën gjendeshin tre persona, njëri prej personave në veturë e ka vringëlluar një armë, e kishte detyruar viktimën ta ndalë veturën.
Rasti ka ndodhur të enjten në Novobërdë, në ora 22:30.
Viktimës nga xhepi ia kishin marrë kuletën, në të cilën kishte pasur para dhe më pas tre të dyshuarit me atë veturë ishin larguar në drejtim të panjohur.
“Viktima mashkull kosovar ka raportuar se derisa ishte duke e drejtuar veturën e tij me targa vendore, Taxi në të cilën gjendeshin tre persona njëri prej personave në veturë e ka vringëlluar një armë, e kishte detyruar viktimën ta ndalë veturën dhe ta largojë atë nga vetura, nga xhepi ia kishin marrë kuletën në të cilën kishte pasur para dhe më pas tre të dyshuarit me atë veturë ishin larguar në drejtim të panjohur”, thuhet në raport./InLajmi/
