Presidenti i Kosovës është shprehur shumë i pikëlluar me vdekjen e Bilbilit të Kosovës, Nexhmije Pagarushës.
Përmes një postimi në rrjetin soacial Facebook, presidenti Thaçi ka thënë se ndarja nga jeta e Nexhmije Pagarushës është një humbje e madhe për kulturën dhe artin tonë kombëtar, shkruan InLajmi.
Postimi i plotë i tij:
Të pikëlluar me vdekjen e artistes së madhe, Nexhmije Pagarushës, e cila me zërin e saj e përjetësoi muzikën shqipe, duke i dhënë vlera të përjetshme, me të cilat krenohet krejt bota shqiptare.
Ndarja nga jeta e Nexhmije Pagarushës është një humbje e madhe për kulturën dhe artin tonë kombëtar.
Zëri i saj karakteristik e shndërroi në një ikonë të papërsëritshme, bazuar në dhuntitë dhe talentin e saj të pakufishëm. I përjetshëm do të mbetet emri dhe zëri i Bilbilit të Kosovës!/InLajmi/
