Reshjet e borës dhe erërat e forta mbrëmë kanë bërë që mbi 100 mijë konsumatorë në territorin e Kosovës të mbesnin në terr.
Stuhia e madhe, të martën, ka shkaktuar dhjetëra prishje në rrjetin shpërndarës të energjisë elektrike.
Zdhënësi i KEDS-it, Viktor Buzhala,per IndeksOnline ka bërë të dtur se 50 mijë konsumatorëve u është rikthyer energjia elektrike.
Por, Buzhala ka treguar se në disa pjesë të vendit ka erëra të fuqishme ende, që pamundëson rikthimin e shpejtë të energjisë elektrike.
“Ekipet janë në terren, duke i rregulluar në vazhdimësi prishtjet. Rreth gjysmës së konsumatorëve tashmë u është rikthyer energjia elektrike. Ekipet po bëjnë maksimumin, por në shumë pjesë të vendit vazhdojnë erërat e fuqishme”, ka thënë Buzhala.
Sipas njoftimit të mbrëmshëm, zona më e prekur është rajoni i Dukagjinit, ku përfshihen: Peja, Prizreni dhe Gjakova, por një numër i prishjeve është shnënuar edhe në Prishtinë dhe në Mitrovicë.
