Behgjet Pacolli, nga foltorja e Kuvendit të Kosovës, ka konfirmuar se do të votojë qeverinë e re.
Kryetari i Aleancës Kosova e Re, Behgjet Pacolli tha se partia e tij do të jete konstruktive në këtë legjislaturë, dhe se do të jenë të pranishëm për të votuar gjithçka që është në të mirë të vendit derisa të përfundojë shtetndërtimi i Kosovës, shkruan InLajmi.
Ai konfirmoi se do të qëndrojë në opozitë këtë madant.
“Unë dhe njerëzit e mi asnjëherë nuk do ta lëshojmë sallën, kur votohet diçka e rëndësishme, ne do të jemi këtu. Unë do t’ju votoj juve. Ta shohim nga ardhmja, mos të kthehemi në të shkuarën. Jam dhe do të mbetëm pjesë e opozitës. Çdo pikë e programit tuaj do analizohet nga unë, do t’iu përballë me dështimet tuaja, nëse ato janë të arsyeshme. Kam qenë do të mbetëm konstruktiv dhe derisa të kryhet shtet ndërtimi i Kosovës do të mbetëm ashtu.
Pacolli madje pati një këshillë duke iu drejtuar kryeministrit në ardhje, Albin Kurti, njofton Klan Kosova.
”Për eksperiencën që kam dua të jap një këshillë: Historia e Kosovës nuk fillon sot zotri Kryeministër. Harrojeni atë pjesë të së kaluarës tuaj politike të shënjuar nga ndarja ndoshta dhe nga urrejtja – vet ju thatë dicka për kthesen për karrierën tuaj. Mos bëni atë që kemi bërë ne, nëse mendoni se kemi bërë keq. Puna e mbarë ju qoftë”, theksoi Pacolli. /InLajmi/
