Nuk ka pushim për Superligën e basketbollit as këtë vikend, ku në program është xhiroja e 24-të.
Të shtunën dhe të dielën janë përcaktuar dy takime të luhen.
Ndeshja e parë do të zhvillohet mes Bashkimit dhe Ponte Prizrenit, një takim interesant ku përballë njëra-tjetrës do të jenë dy skuadrat e Prizrenit.
Bashkimi ka 12 fitore dhe tetë humbje, kurse Ponte Prizreni 13 fitore dhe tetë humbje.
Përballja tjetër e së shtunës do të zhvillohet ndërmjet Trepçës dhe Pejës, dy skuadrave me traditë në basketbollin e Kosovës.
Mitrovicasit kanë katër fitore dhe 16 humbje, derisa pejanët 12 fitore dhe tetë humbje.
Ndeshja më interesante e kësaj jave do të zhvillohet ndërmjet Golden Eagle Yllit dhe Rahovecit.
Ylli ndodhet në vendin e tretë me 34 pikë (14 fitore dhe gjashtë humbje), ndërsa Rahoveci është lider me 37 pikë (16 fitore dhe pesë humbje).
Takimi i fundit do të zhvillohet ndërmjet Lipjanit dhe Sigal Prishtinës.
Lipjanasit kanë një fitore dhe 20 humbje, kurse prishtinasit kanë 15 fitore dhe pesë humbje, raporton In Insporti.
Feronikeli pushon në këtë xhiro.
