Një tërmet i fuqishëm prej 7.7 magnitudë ka goditur të martën Karaibet, më saktësisht mes Xhamajkës dhe Kubës, duke bërë që të lëshohet alarmi për një cunami që detyroi autoritetet të evakuojnë tërë rajonin.
Dridhjet ishin aq të fuqishme sa që janë ndjerë në SHBA, ku policia në Miami evakuoi banorët në disa ndërtesa.
Nuk raportohet për të vdekur apo të lënduar, kurse pasojat materiale janë shumë të mëdha, ndërkaq në internet janë publikuar imazhet e disa gropave gjigante që janë hapur nëpër rrugës e Ishujve Kajman, ku banorët mbetën të habitur kur panë se nga pusetat e kanalizimit shpërtheu uji.
Instituti gjeologjik amerikan, ka bërë të ditur se epiqendra e tërmetit ishte në një thellësi prej gjashtë miljeve në veri të Lucea të Xhamajkës.
Vetëm një orë më pas janë ndjerë dridhjet e një tërmeti tjetër me fuqi prej 6.1 magnitudë në bregun e Ishujve Kajman, ndërkaq rrjetet sociale janë vërshuar nga video të ndryshme amatore që tregojnë pasojat e tërmetit. 
