Ftesa për të marrë pjesë ambasadorët e QUINT-it në takimin e sotëm me LDK-n e VV-në, kanë folur nga kjo e fundit.
Drejtuesi i sekretariatit për media nga VV-ja, Erzen Vraniqi përme snjë postimi në Facebook ka thënë se dakordimi që në takimin e sotëm të jenë prezent edhe ambasadorët e QUINT-it ishte bërë pas përfundimit të takimit të mbrëmshëm, shkruan InLajmi.
Ai thotë se kjo ëhstë bërë me qëllim të heqjes së çfarëdo dyshimi tek ambasadorët mbi pajtimin e palëve për pjesëmarrjen e ambasadorëve në takimin e sotëm, i cili tutje ka thënë se ata nuk janë ndërmjetësues, por ndihmues eventual.
Postimi i plotë:
Si drejtues i Sekretariatit për Media dhe Komunikim dëshiroj të sqaroj opinionin se:
Në fund të takimit të mbrëmshëm ndërmjet LVV dhe LDK, kishte dakordim që sot ose nesër të ftohen në takim edhe ambasadorët e Quintit si dhe Shefja e Misonit të BE-së në Kosovë. Kjo është konfirmuar edhe në komunikimin me tekst që ka pasur kryetari i LVV Kurti me kryetarin e LDK Mustafa mbrëmë në ora 19:30. Kjo është bërë me qëllim të heqjes së çfarëdo dyshimi tek ambasadorët mbi pajtimin e dy palëve për pjesëmarrjen e ambasadorëve në takimin e sotëm. Ata nuk janë menduar asnjëherë si ndërmjetësues por vetëm si ndihmues eventualë për çfarë vetë e kanë shprehur gatishmërinë./InLajmi/
