Pas marrëveshjes për rikthimin e linjës ajrore midis Kosovës dhe Serbisë, sot në kryeqytetin gjerman do të negociohet për rikthimin e linjës hekurudhore midis të dyja vendeve pas më shumë se dy dekadave.
Sot në Berlin, pranë ambasadës amerikanë, do të diskutohet për detajet e marrëveshjes së linjës hekurudhore ndërmjet Kosovës dhe Serbisë, shkruan InLajmi.
Në këtë takim, i cili është iniciuar nga ambasadori amerikan në Gjermani, Richard Grenell, Kosova do të përfaqësohet nga Xhemë Veseli, drejtor i Transportit Rrugor dhe Ramë Qupeva, drejtor i Infrastrukturës Rrugore.
Postimi i plotë i Lekajt:
Në Berlin, pjesë e negociatave për marrëveshjen e mundshme për hekurudhat me Serbinë, me autorizim timin si Ministër i Infrastrukturës dhe Transportit do të jenë Xhemë Veseli, drejtor i Transportit Rrugor dhe Ramë Qupeva, drejtor i Infrastrukturës Rrugore.
Ndonëse institucionet tona janë të gatshme në vazhdimësi për kontribut në stabilitet dhe fqinjësi të mirë, theksojmë se çfarëdo marrëveshje që do të arrihet do të jetë vetëm sipas Kushtetutës dhe ligjeve në fuqi të Republikës së Kosovës. /InLajmi
