Në varrezat e qytetit të Prizrenit është varrosur sot çifti që u gjet i vrarë në shtëpinë e tyre në lagjen “Ortakoll”.
Një numër i madh i qytetarëve është vërejtur se ishte gjatë varrimit.
Sipas raportit të policisë në trupin e viktimave ishin vërejtur plagë nga arma e zjarrit.
Kryeprokurori i Prizrenit, Admir Shala, tha për Klan Kosovën se sipas informatave të para që kanë, viktimat jetonin me djalin e tyre 35 vjeçar A.H, por ky nuk ishte me ata kur policia gjeti trupat me datën 22.01.2020.
Shala ka thënë se janë në kërkim të djalit të tyre por jo në cilësinë e të dyshuarit duke thënë se ai do t’iu ndihmojë më shumë për procesin e hetimeve.
Sipas dyshimeve të para çifti ka ndërruar jetë dy ditë para se i kishte gjetur policia dhe që nga ajo ditë burrë e grua nuk kishin kontaktuar me fëmijët tjerë në Suedi, shkruan Klan Kosova.
Dy viktimat Durim dhe Suada Hadri kishin ardhur në Kosovë më datë 20 janar nga Suedia.
