Akuzat që u janë bërë VV-së, e në veçanti Kryeparlamentarit, Glauk Konjufcës nga PDK-ja, kinse ky i fundit është ideologë i organizatës “Syri i Popullit”, ka reaguar Albulena Haxhiu.
Ajo përmes një postimi në Facebook i ka dalë në mbrojtje Konjufcës duke thënë se janë përpjekje të dështuara me qëllim të njollosjes së figurës së kryetarit të Kuvendit, shkruan InLajmi.
Sipas Haxhiut kjo gjë duhet të parandalohet, dhe se Gjykata ta trajtojë sa më parë padinë për shpifje të cilën e kishin ushtruar Kurti e Konjufca, ndaj kryetarit të PDK-së, Kadri Veseli dhe presidentit të vendit, Hashim Thaçi.
Postimi i plotë:
Sa përpjekjet e dështuara me qëllim të njollosjes së figurës së Glauk Konjufcës!
Dikur shpifnin se ka qenë në “SHIK” e tash shpifin se ka lidhje me organizatën “Syri i Popullit”.
Për ta ndalur këtë abuzim, Gjykata duhet sa më parë të trajtoj padinë për shpifje për rastin e parë ndërsa prokuroria sa më parë të trajtoj kallëzimin penal kundrejt Thaçit e Veselit për deklaratat e rreme nën betim të penalizuar në Kodin Penal.
Zgjedhja e Glaukut në pozitën e Kryetarit të Kuvendit, ia ka kthyer dinjitetin Kuvendit.
PDK duhet të mësohet me këtë ndryshim pozitiv./InLajmi/
