Ministri i Shëndetësisë, Uran Ismaili, ka përuruar sot objektin e rinovuar të Ambulancave Specialistike të klinikës së ORL-së (Otorinolaringologjisë-klinika për sëmundje të veshit, hundës e fytit) dhe Oftalmologjisë (Klinikës së syve), shkruan InLajmi.
Ismaili tha se ky objekt është i pajisur me aparaturë moderne për ofrimin e shërbimeve cilësore dhe të sigurta shëndetësore.
Postimi i plotë i tij:
Sot përuruam objektin e transformuar të Ambulancave Specialistike të Oftamologjisë dhe ORL-së. Një objekt i vjetër dhe i lënë pas dore, i shndërruar në një hapësirë moderne për shërbime ambulantore specialistike për sy, veshë, fyt dhe hundë. Pas investimit që kemi bërë, përfundimisht kemi hequr shërbimet e rënda nëpër bodrume. Sot, kjo hapësirë ka pritore për pacientë, sistem të radhës, klimatizim adekuat dhe pajijse moderne për shërbime më cilësore dhe më të sigurta për qytetarët tanë. Urime.#BashkëeNdreqim /InLajmi
