Kryeministri në largim i Kosovës, Ramush Haradinaj, kujtoi Kongresin e Lushnjës në atë që sot është 100-vjetori i hapjes së punimeve të këtij kongresi, shkruan InLajmi.
Haradinaj përmes një postimi në Facebook tha se Kongresi i Lushnjës shënoi hapin vendimtar për bërjen e Shqipërisë.
Ai theksoi se shembulli i burrave të mbledhur në Lushnjë, duhet të shërbejë për secilin pushtetarë, edhe në ditët e sotme.
Postimi i plotë i tij:
“Në fund janarin e vitit 1920, Kongresi i Lushnjës, shënoi hapin vendimtar për bërjen e Shqipërisë. Qeveria e dalë nga ai tubim kombëtar, ndaloi përgjithmonë copëtimin e mëtutjeshëm të shtetit shqiptar, hodhi themelet e ndërtimit të rendit kushtetues dhe zhvillimin e forcimin e shtetit. Shembulli i burrave të mbledhur në Lushnjë, duhet të shërbejë për secilin pushtetarë, edhe në ditët e sotme. Kongresi i Lushnjës, me të drejtë vlerësohet si ngjarja më e rëndësishme për shqiptarët pas shpalljes së pavarësisë”./InLajmi
