Njëmbëdhjetë vjeçarja shqiptare, është favorite për të fituar edicionin e sivjetmë të “The Voice Kids 3” në Poloni, shkruan KultPlus.
Një vajzë e thjeshtë në dukje por që “rrëzoi” gjithçka me zërin e saj. Kjo është Eliza Xërxa, vajza nga Gjakova, e lindur dhe rritur në Poloni që me performancën e saj ka bërë që juria e “The Voice Kids” në Poloni të ngrihet në këmbë.
Ajo solli para publikut dhe jurisë këngën e Demi Lovatos “Stone Cold”. Sapo nisi këngën ajo arriti ta përvetësojë jurinë e cila pa pritur vazhdimin u kthyen të gjithë për të parë e shijuar performancën e Elizës.
Në fund të performancës zëri i saj i fuqishëm u ndal e u zëvendësua me lotët që nuk i mbajti dot.
Për më shumë shikoni paraqitjen e Elizës:
https://www.youtube.com/watch?v=_Y0J-vlAuA8&feature=emb_title&fbclid=IwAR2EQzTnV6iNwnpZDyIX5WtfMX6kxRmXZnmSzwoLxpfJTm54FX11fuEHvgw&app=desktop
