Një punëtor ka humbur jetën, pasi ka rënë nga 40 metra lartësi, derisa ishte duke punuar në një kompani të çimentos në Han të Elezit.
Rasti ka ndodhur sot rreth orës 10 e 45.
Me urdhër të prokurorit, trupi i pajetë i viktimës është dërguar në Institutin e Mjekësisë Ligjore për obduksion
“Rreth orës 10:45 policia është njoftuar për një rast një punëtor i cili ka qenë duke i kryer disa punë në fabrikën e çimentos në Han të Elezit, në rrethana ende të panjohura ka rënë në brendësi të sillosit, nga lartësia 40 metra. Policia ndihma e shpejtë kanë dalë në vend të ngjarjes, pasi njësiti emergjent e kanë tërhequr trupin, mjeku kujdestar ka konstatuar se i njëjti ka ndërruar jetë. Me urdhër të prokurorit, trupi i pajetë i viktimës është dërguar në Institutin e Mjekësisë Ligjore për obduksion”, ka bërë të ditur zëdhënësi i policisë në rajonin e Ferizajt, Agim Gashi.
Policia po e trajton rastin si “Hetim mbi vdekjen”. /InLajmi
