Një intervistë e kthyer nga arkiva e emisionit “Zonë e lirë”, tregon sesi dukej aktori i ndjerë Xhevdet Feri 14 vite më parë. Tre pyetje të shkurtra të moderatorit Arjan Çani që marrin përgjigje të shpejta dhe të sinqerta nga Feri. Dhe dëshira e tij, nëse do të ikte nga kjo botë, është plotësuar.
Intervista:
Zhgënjimi më i madh?
S’më kanë lënë të studioja atë që doja, doja të studioja për arkitekturë.
Takimi i parë me dashurinë?
Nuk më korrespondon takimi i parë i dashurisë me takimin e parë me të dashurën. Në vit të parë në fakultet.
Dëshira e fundit nëse do të vdisje nesër?
Padyshim do të ishte diçka për ata që do të mbeten pas nesh, transmeton Tiranapost.
Aktori i mirënjohur u nda nga jeta një ditë më parë pasi humbi betejën me një sëmundje të rëndë, në moshën 59-vjeçare.
