Vetëvendosje e LDK, edhe pas disa muaj negociata nuk kanë arritur marrëveshje për bashkëqeverisje.
Madje, kohëve të fundit edhe janë ashpërsuar tonet mes dy partive, me akuza e kundër-akuza për ngërçin politik që ka kapluar negociatat, shkruan InLajmi.
E zëdhënësi i VV-së, Arlind Manxhuka sot përmes një postimi në Facebook, ka përmbledhur tri logjikat që sipas tij LDK ka në këto bisedime.
Postimi i plotë i tij:
Logjika e LDK-së në tre hapa:
VV ka dalë e para në zgjedhje (nuk i ka fituar ato, vetëm ka dalë e para) dhe rrjedhimisht e ka gjithë përgjegjësinë për ta arritur marrëveshjen.
VV duhet të dalë me një propozim për arritjen e marrëveshjes, të cilin ne pastaj e dërgojmë në Këshillin e përgjithshëm për aprovim/refuzim
Ky është propozimi ynë dhe nëse doni marrëveshje, përmbushni kërkesat tona. Propozimin tuaj nuk e trajtojmë fare./InLajmi
