Presidenti, Hashim Thaçi ka përkujtuar veprimtarët e shquar të lëvizjes kombëtare, Jusuf Gërvallen, Bardhosh Gërvallen e Kadri Zekën në 38 vjetorin e vrasjes së tyre, shkruan InLajmi.
Përmes një postimi në rrjetin socila Facebook, Thaçi ka thënë se kjo ishte një goditje e rëndë për lëvizjen patriotike.
Vrasja e tyre vazhdon të jetë e pazgjidhur edhe pas katër dekadave.
Postimi i plotë i tij:
Tre veprimtarë të shquar të lëvizjes kombëtare: Jusuf Gërvalla, Bardhosh Gërvalla dhe Kadri Zeka, para 38 viteve u vranë nga segmente të shërbimit sekret jugosllav. Ishte një goditje e rëndë për lëvizjen patriotike, si jashtë, ashtu dhe brenda Kosovës, pikërisht kur po bashkërendoheshin grupet politike në një front të përbashkët. Edhe pas katër dekadave ende nuk është zbardhur ky krim i kryer në Gjermani. /InLajmi
