Presidenti i Shqipërisë, Ilir Meta ka takuar ambasadorin William Walker i cili është shprehur i kënaqur duke thënë se shqiptarët do të jenë kudo mirnjohës atij.
Meta përmes një postimi në Facebook ka thënë Masakra e Reçakut ishte krim kundër njerëzimit dhe se integriteti i Walkerit ka ndihmuar botën të zbulonte gjenocidin që bëhej çdo ditë, shkruan InLajmi.
Ai ka ftuar po ashtu Walkerin që të vizitojë edhe Shqipërinë, e veçanërsiht Sarandën, që sipas Metës është qytetit i tij i preferuar.
Postimi i plotë:
I lumtur të ritakohesha në Kosovë me Ambasadorin William Walker. Shqiptarët kudo në botë do t’i jenë përherë mirënjohës për denoncimin historik që i bëri Masakrës së Reçakut vetëm me tre fjalë: Krim kundër njerëzimit.
Integriteti i tij i lartë ndihmoi botën të zbulonte genocidin që ndodhte çdo ditë, dhe vuri diplomacinë në veprim përmes Konferencës së Rambujesë, dhe më pas ndërhyrjes historike të NATO-s, për t’i dhënë fund përgjithmonë spastrimit etnik në zemër të Europës.
E ftova me shumë kënaqësi për të vizituar Shqipërinë, dhe sigurisht Sarandën që ai e do aq shumë./InLajmi/
