Aleanca për Ardhmërinë e Kosovës ka bërë të ditur se nesër do të bëjnë homazhe me rastin e 21 vjetorit të Masakrës në Reçak, rreth orës 09:30, shkruan InLajmi.
“Masakra e Reçakut tani më njihet botërisht si një akt që i hapi sytë gjithë botës demokratike për krimet që i kryente Serbia, e që rezultoi pastaj me intervenimin ushtarak të Natos”.
“Masakrat si kjo e Reçakut e shumë masakra të tjera, na shërbejnë të kujtojmë që liria që e gëzojmë sot erdhi pas shumë vuajtjeve e gjakut të derdhur për këtë vend nga shumë breza”.
“Edhe sot, ashtu si deri tani ja bëjmë me dije akterëve të kësaj masakre se drejtësia herët a vonë do ti sjell para përgjegjësisë kriminelët serb kudo qofshin ata”, thuhet në njoftim./InLajmi/
