Kreu i Lëvizjes Vetëvendosje, Albin Kurti, ende nuk i ka dërguar emrin e të nominuairt për kryeministër, presidentit të vendit, Hashim Thaçi.
Presidenti i vendit Hashim Thaçi ende nuk ka marrë një emër nga Lëvizja Vetëvendosje për të nominuarin për kryeministër, ndonëse vet kreu i Vetëvendosjes, Albin Kurti, kishte deklaruar se ai do të jetë i nominuari për postin e kreut të ekzekutivit.
E për vonesën e dërgimit të emrit, Presidenca nuk e përjashton mundësinë e dërgimit në Gjykatën Kushtetuese.
Presidenca e Kosovës kanë thënë se presidenti është i obliguar të ndërmarrë çdo hap të mundshëm të nevojshëm në përmbushjen e detyrimeve të tija, përfshirë edhe sqarimin nga Gjykata Kushtetuese. shkruan lajmi.net.
“Përgjegjësia kushtetuese e presidentit është funksionalizimi i institucioneve. Ai është garantues i funksionimit kushtetues e demokratik dhe është i obliguar të ndërmarr çdo hap të nevojshëm për ta përmbushur këtë detyrim të tij, duke mos përjashtuar edhe kërkesat drejtuar Gjykatës Kushtetuese për të sqaruar çdo paqartësi kushtetuese dhe ligjore në shërbim të funksionalizimit sa më të shpejtë të institucioneve të reja”, thuhet në përgjigjen e Zyrës së Presidentit.
