Njeriu që i tregoj botës se Serbia po kryente gjenocid në Kosovë, William Walker së shpejti do të vij në Kosovë.
Me ftesën e zëvendëskryeministrit në detyrë, Behgjet Pacolli, javën e ardhshme, Walker do të vijë në Kosovë për përvjetorin e masakrës së Reçakut.
Lajmin e bëri të ditur zëdhënësi i Ministrisë së Punës së Jashtme, Jetlir Zyberaj.
Postimi i plotë:
Javën tjetër është 21 vjetori i masakrës së Reçakut. Është kjo një nga krimet më të rënda kundër njerëzimit në vitet 90 të kryera nga Serbia. Ishte Ambasadori William Walker ai që i deshmoj para botës këtë krim dhe parandaloi fshehjen nga forcat serbe.
Disa javë më parë Aleksander Vucic mohoi masakrën e Reçakut dhe sulmoi ambasadorin Walker.
Kur të gjithë reaguan ndaj politikës së mohimit, askush nuk doli në mbrojtje të Ambasadorit Walker dhe punës së tij. Puna e tij atëherë është kujtimi i Reçakut sot.
Me ftesën e zëvendëskryeministrit/ministrit të jashtëm, Z.Behgjet Pacolli, Z. Walker si çdo vit po kthehet për të respektuar viktimat e Reçakut dhe për t’i treguar Serbisë dhe Vuçiçit krimet e tyre. /InLajmi/
