Presidenti i Kosovës, Hashim Thaci në 36 vjetorin e rënies të veprimtarëve të Rexhep Mala e Nuhi Berisha të cilët ranë heorikisht në përballe me forcat policore jugosllave.
Ai ka thënë se Rexhepi e Nuhiu ishin shembull i unitetit të qëllimi të gjeneratave të ndryshme në moshë, shkruan InLajmi.
“Para 36 viteve, dy veprimtarë të shquar të lëvizjes kombëtare, Rexhep Mala dhe Nuhi Berisha, ranë heroikisht në përballje me forcat policore jugosllave, duke dëshmuar vendosmërinë supreme për arritjen e idealit të tyre jetësor, çlirimin e Kosovës“, ka shkruar ai në Facebook.
Për këtë ka shkruar edhe kryeministri në detyrë, Ramush Haradinaj i cili i ka kujtuar Rexhep Mala e Nuhi Berisha në 36 vjetorin e rënies së tyre.
Ai ka thënë se ishin arkitektët e rrugës për çlirim që sipas tij vite e shekuj do të kalojnë, e vepra e tyre atdhetare, do të përkujtohet me respektin më të madh nga secili shqiptarë.
“Në 36 vjetorin e rënies së tyre heroike, ne nderojmë aktivitetin e tyre për liri, shpirtin e tyre militant e liridashës, vendosmërinë dhe qëndrimin e tyre deri në frymën e fundit“, ka shkruar ai./InLajmi/