Sot në Prishtinë Kryesuesi i Këshillit Gjyqësor të Kosovës (KGJK), Skender Çoçaj, dhe Drejtori i Përgjithshëm i Sekretariatit të Këshillit, Shkëlzen Maliqi, kanë pritur në takim përfaqësues nga partnerët e përhershëm të sistemit gjyqësor nga USAID, Ambasada e Britanisë së Madhe dhe Zyra e BE-së në Prishtinë.
Qëllimi i këtij takimi ishte diskutimi dhe koordinimi i aktiviteteve për përgatitjen e planeve të punës të KGJK-së për vitin 2020 si dhe nxjerrja e akteve nënligjore që kërkohen të realizohen nga ana e KGJK-së, në mbështetje të objektivave të tij.
Me këtë rast, Kryesuesi Çoçaj, të pranishmit i ka falënderuar për përkrahjen e vazhdueshme drejt fuqizimit të efikasitetit, llogaridhënies dhe transparencës së sistemit gjyqësor, duke u premtuar partneritet edhe më të mirë gjatë vitit 2020. /InLajmi