Deputetja e Lëvizjes Vetëvendosje, Fitore Pacolli, ka reaguar për projektin, me të cilin planifikohet ndërtimi i një lagje të vogël me shtëpi buzë Liqenit të Badocit.
Pacolli theksoi se pas uzurpimit të hapësirave brenda qyteteve e parqeve tani ia kanë mësy edhe atyre pak zonave të mbrojtura që na kanë mbetur.
“Lakmia e disave po cenon ekzistencën tonë.
Luksi i tyre do të na lë pa ujë, pa tokë e pa ajër të pastër”, shkroi ajo.
Postimi i saj i plotë:
“Lakmia e disave po cenon ekzistencën tonë.
Pas uzurpimit të hapësirave brenda qyteteve e parqeve tani ia kanë mësy edhe atyre pak zonave të mbrojtura që na kanë mbetur.
Luksi i tyre do të na lë pa ujë, pa tokë e pa ajër të pastër.
Ne jemi dëshmitarë të shkatërrimit të qyteteve, të parqeve, lumenjve e maleve tona. Mos të harrojmë se pothuajse të gjitha janë realizuar duke premtuar zhvillim e mbrojtje por ka ndodh krejt e kundërta. E njëjta do të përsëritet edhe me këtë projektin tek Liqeni i Badovcit që paska me qenë “tërësish ambiental” e paska me i ndihmu “ambientit e liqenit në përgjithësi”.
“Të bëhemi të gjithë bashkë e t’i bllokojmë projektet e tilla. Nesër bëhet vonë sepse pas këtij do të ndërtohen edhe shumë projekte të ngashme në zonën e mbrojtur të liqenit. Të mos lejojmë që një grup njerëzish të na cënojnë ekzistencën tonë.
Bëhuni pjesë e Grupi për mbrojtjen e Liqenit te Badovcit. #perBadovcin.
/InLajmi/
