Dhoma e Përfaqësuesve në Shtetet e Bashkuara të Amerikës, sot ka miratuar një rezolutë kryesisht simbolike, e cila i kufizon presidentit amerikan, Donald Trump mundësinë për të nisur luftë me Iranin.
Kjo rezolutë e miratuar i kërkon presidentit Trump të ndalojë shfrytëzimin e Forcave të Armatosura të SHBA-së për përfshirje në armiqësi kundër Iranit, si dhe i kërkon presidentit që të konsultohet me Kongresin në secilin hap para se të angazhojë ushtrinë në armiqësi me Iranin.
As SHBA-ja dhe as Irani nuk kanë deklaruar planet për veprim të mëtejshëm ushtarak.
