Sussane Schutz, drejtoreshë për Evropën Juglindore, Turqi dhe shtetetet anëtare të Asociacionit Evropian për Tregti të Lirë në ministrinë e Jashtme gjermane ka takuar sot ish-presidenten e vendit, Atifete Jahjaga, , shkruan InLajmi.
Në këtë takim, siç ka bërë të ditur vet Jahjaga përmes një postimi në profilin e saj Facebook, Schutz ka kërkuar formimin sa më të shpejtë të Qeverisë së re të Kosovë.
Në takim ka qenë i pranishëm edhe ambasadori gjerman, Christian Heldt.
Postimi i plotë i Atifete Jahjagës:
Sot pata një takim të shkëlqyeshëm me Susanne Schütz, Drejtoren për Evropën Jug-Lindore, Turqi dhe shtetet anëtare të Asociacionit Evropian për Tregti të Lirë në Ministrinë e Jashtme Gjermane. Biseduam për thellimin e raporteve në mes të vendeve tona dhe e falënderova për mbështetjen e pakusht të Gjermanisë ndaj Kosovës. Në takim folëm edhe për nevojën e formimit sa më të shpejtë të Qeverisë në Kosovë dhe shmangien e vakumit institucional./InLajmi
