9 Janari është dita e 9 e vitit, deri në fund të vitit janë edhe 356 ditë.
Ngjarje
1760 – Afganët mundën Marathët në betejën në Barari Ghat.
1768 – Philip Astley paraqet cirkun e parë modern në Londër.
1788 – Konektikat bëhet shteti i pestë që pranohet në Shtetet e Bashkuara. Kryeqyteti i tij është Hartford. Shteti mban emrin e lumit Connecticut, që kalon mespërmes tij. Fjala është një shqiptim frengjisht i fjalës vendase “quinetucket”, që do të thotë “lum i fryrë”. Kolonët e parë evropianë të Connecticut ishin holandezë. Vendbanimet e para të mëdha u themeluan nga Anglia në vitet 1630.
1793 – Jean-Pierre Blanchard është personi i parë që fluturoi me balon ajri në Shtetet e Bashkuara.
1799 – Kryeministri britanik William Pitt i Riu vendos për herë të parë një taksë mbi të ardhurat për të mbledhur fonde për financimin e luftës kundër Napoelonit.
1822 – Princi portugjez Pedro I i Brazilit vendosi të qëndrojë në Brazil kundër urdhërit të mbretit të Portugalisë João VI, duke filluar procesin e pavarësisë së Brazilit.
1839 – Akademia franceze e Shkencave shpall procesin e fotografisë të tipit Daguerre, si shpikje dhe trashëgimi të artistit francez Zhak Mande Louis Daguerre. Në vetëm pak muaj pas kësaj shpalljeje, manuali udhëzuez për të prodhuar fotografi sipas kësaj metode (Daguerreotype) mund të gjendej në të gjithë botën në një numër përkthimesh. Veçoria në këtë lloj fotografimi është origjinaliteti i figurës dhe ngjyra gri ose argjendi që i jep fotos një pamje klasike. Nga fillimi i viteve 1860, Daguerreotype u zevendësua me metoda të tjera më pak të kushtueshme. Por një ringjallje e daguerreotypit ndër fotografët e interesuar në proceset historike është vënë re ne vitet 1980 – 90 dhe ka vazhduar në vitet 2010.
1858 – Anson Jones, presidenti i fundit i Republikës së Teksasit, kryen vetëvrasje. Anson Jones ishte një mjek, biznesmen, kongresmen, dhe presidenti i katërt dhe i fundit i Republikës së Teksasit. Ai është quajtur Arkitekt i aneksimit, pasi luajti rol në anëtarësimin e Teksasit në SHBA. Anson Jones besonte se legjislatura e Teksasit do t’a dërgonte atë në Senatin e Shteteve të Bashkuara. Por ai nuk fitoi asnjë vote. Pas kesaj, për katër ditë Jones u mbyll në hotelin Old Capitol në Houston, dhe pas darke më 9 janar, vrau veten në dhomën e tij. Ai ishte 59 vjeç.
1878 – Vdiq Viktor Emanueli II – mbreti i Sardenjës nga viti 1849 deri më 1861, kur u bë mbreti i një Italie të bashkuar, për herë të parë që prej shekullit të 6-të. Italianët i dhanë atij epitetin “Ati i atdheut (Padre della Patria).
1900 – U themelua S.S. Lazio në Romë, Itali.
1914 – Gjendje shtet-rrethimi në Vlorë pas zbulimit të një komploti për të përmbysur qeverinë e përkohëshme dhe për të penguar ardhjen e princ Vidit. Nga hetimet doli se komploti ishte organizuar nga një grup i quajtur Komiteti Shqiptar në Stamboll, në bashkëpunim me një grup turqish të rinj të udhëhequr nga majori turk Beqir Grenebe, i cili kishte ardhur në Vlorë si përfaqësues zyrtar i Turqisë në Shqipëri. Ky Komitet kishte pajisur me fonde dhe armë rreth 200 turq, shumica me origjinë shqiptare; ata mbërritën në Vlorë me një avullore austriake për të shpallur si Sovran të Shqipërisë, Izet pashën (ish-ministër lufte në perandorinë osmane), edhe ky me prejardhje shqiptare. Por në përpjekje për të zbarkuar në Vlorë, 200 turqit u arrestuan nga xhandarët holandezë me urdhër të qeverisë së përkohëshme, në marrëveshje me Komisionin e Kontrollit. Grenebe dhe shokët e tij u nxorrën para një gjykate ushtarake, kryesuar nga gjenerali de Veer, komandant i xhandërmarisë holandeze; Beqir Grenebe u dënua e vdekje.
1914 – U themelua kompania Phi Beta Sigma Fraternity Inc. në kampusin Howard University.
1941 – Fluturimi i parë i aeroplanit Avro Lancaster.
1945 – Filloi zbarkimi i trupave amerikane në Luftën e Dytë Botërore në ishullin më të madh filipinas Luzon. Luftimet përfunduan më 15 gusht me kapitullimin e forcave të sigurisë.
1991 – Seanca konstituive e Kuvendit të parë shumëpartiak të Republikës së Maqedonisë.
1996 – Ndërpritet ura ajrore humanitare për Sarajevë, ura më e madhe ajrore në historinë e aviacionit pas bllokadës sovjetike të Berlinit. Gjatë tre viteve luftë në Bosnjë e Hercegovinë, janë kryer 13.000 fluturime humanitare ku janë dorëzuar më shumë se 160.000 ton ndihmë.
2004 – Një skaf detar gome mbytet pranë gadishullit të Karaburunit, si pasojë mbetën të vdekur 28 njerëz.
2007 – Shefi ekzekutiv i kompanisë Apple, Steve Jobs, tregon publikisht iPhonin e parë. Në fjalën e tij, Jobs tha, “Kam qenë në kërkim për dy vjet e gjysmë dhe sot, Apple shpall rishpikjen e telefonit” – kombinim i tre pajisjeve: iPod, Telefon, Komunikues Internet
2007 – Steve Jobs bën publik iPhone.
Lindje
1913 – Richard Nixon, kryetar i 37-të i SHBA-së (Vdiq më 1994)
1922 – Ahmed Seku Ture, burrështeti dhe shkrimtarë i Guinesë
1944 – Jimmy Page, kitarist anglez (Led Zeppelin)
1954 – Mirza Delibashiq, ylli boshnjak në basketboll
1955 – J. K. Simmons, aktor amerikan
1970 – Alex Staropoli, sintisajzerist italian (Rhapsody Of Fire)
1978 – Gennaro Gattuso, futbollist italian
Vdekje
1873 – Napoleon III Bonaparta, ushtarak, kryetar dhe perandor i Francës (Lindi më 1808)
2004 – Zhou Erfu, shkrimtar kinez (Lindi më 1914)
2011 – Peter Yates , regjisor britanik
