Kryetari i Mitrovicës, Agim Bahtiri përmes një postimi në Facebook ka thënë se shumica e anëtarëve të kryesisë së Lidhjes Demokratike të Kosovës janë pro arritjes së menjëhershme të një marrëveshje me LVV, shkruan InLajmi.
Ai tutje ka bërë thirrje kreut të LDK-së, Isa Mustafës që të nënshkruajë marrëveshjen sot ose nesër, pasi sipas tij nuk ka zgjidhje tjetër, përvec koalicionit.
Postimi i plotë:
Pas kontaktit që kam pasur me shumicën e anëtarëve të Kryesisë dhe deputetëve të LDK-së, kam parë vullnetin e tyre për arritjen e menjëhershme të marrëveshjes për bashkëqeverisje.
Isa Mustafa si kryetar i LDK-së duhet ta qoj në vend porosinë e partisë së tij në takimin që po zhvillon me Kryeministrin e ardhshëm të Kosovës, Albin Kurti.
Për hir të qytetarëve dhe shumë proceseve që na presin, Isa Mustafa bën mirë që marrëveshjen ta nënshkruaj sot ose më së largu nesër, sepse nuk ka zgjidhje tjetër përveç bërjes së koalicionit, por që kjo nuk duhet të prolongohet më shumë. /InLajmi/
