Drejtori i të ashtuquajturës Zyra për Kosovën në Qeverinë e Serbisë, Marko Gjuriq, sot do të vijë në Kosovë.
Të hënën, drejtori i të ashtuquajturës Zyra për Kosovën në Qeverinë e Serbisë, Marko Gjuriq do të vijë në Kosovë.
Sipas medieve serbe, ardhja e Gjuriqit ka të bëj me Krishtlindjet Ortodokse dhe se ai do të qëndrojë në pjesën veriore të Mitrovicës.
Gjuriq ia ka mësyrë Kosovës vetëm pasi që kërkesa e tij për ardhjen në Kosovë i është aprovuar nga zyrtare kosovare.
Lejimin e ardhjes së tij në Kosovë e ka konfirmuar për lajmi.net, Jetlir Zyberaj, këshilltar i ministrit në detyrë të Punëve të Jashtme, Behgjet Pacolli.
“Ka qenë shumë i rregullt dhe i disiplinuar në parashtrimin e kërkesës dhe natyrisht i është aprovuar”, ka deklaruar Zyberaj për lajmi.net.
Ndryshe mediet në Serbia raportuan se ceremonia zyrtare e Krishtlindjeve Ortodokse do të zhvillohen në sheshin “Shën Sava”, në pjesën veriore të Mitrovicës, ku edhe do të bëhet djegia e pemës, ashtu siç është zakon për këtë ditë.
