Tre karateistët e njohur Alvin Karaqi, Orges Arifi dhe Blodin Pakashtica janë larguar nga Kosova për t’iu bashkuar Shqipërisë për shkak të trajtimit, siç thonë ata, jo të mirë nga ana e Federatës së Karatesë së Kosovës. Kjo e fundit ka hedhur poshtë akuzat, duke thënë se arsyeja e vërtetë e largimit të tyre kanë qenë rezulktatet e dobëta, shkruan InLajmi.
Karaqi, Arifi dhe Pakashtica akuzojnë FKK-në për sjellje armiqësore, siç thonë, me një përzierje të urrejtjes me xhelozi e me shpresë për dështimin e tyre në gara të ndryshme.
Por, sekretari i Federatës së Karatesë në Kosovë, Nazmi Gashi në një konferencë për medie sot la theksuar se realiteti është ndryshe nga këto akuza dhe se arsyeja e largimit të tyre ka qenë performanca e dobët.
Ai thotë se arsyet nuk janë siç kanë deklaruar ata por arsyet e largimit janë mosarritja e rezultateve të duhura ose një lloj shfajësie përmes këtij largimi që nuk kanë mundur të arrijnë atje ku e kanë pasur gjithmonë synim, pra fjala është për kualifikimin në Lojërat Olimpike.
Orges Arifi dhe Alvin Karaqi në një deklaratë për medie patën akuzuar sekretarin e përgjithshëm Nazmi Gashi bashkë me selektorët Isak Curri dhe Ylber Syla se kishin ikur prej tyre në aeroportin e Madridit në kthim nga Kampionati Botëror dhe i kishin lënë pa biletë kthimi dhe se janë detyruar të paguajnë nga buxheti i tyre.
Sekretari Gashi ka sqaruar se kjo nuk është bërë me fajin e Federatës së Karatesë, pasi që Arifi e Karaqi kishin thënë se do t’i nxjerrin vetë biletat./InLajmi
https://www.facebook.com/FKKOSOVA/videos/585141525609697/
