Trupi i komandantit ushtarak iranian Qassem Soleimani, i cili u vra në Irak pas një sulmi nga ushtria amerikane, u kthye në Iran të dielën.
Trupi i komandantit ushtarak iranian Qassem Soleimani, i cili u vra në Irak pas një sulmi nga ushtria amerikane, u kthye në Iran të dielën, shkruan Reuters.
Soleimani u vra ne aeroportin e Bagdadit, së bashku me një grup milicësh të mbështetura nga Teherani.Ndërsa shumë iranianë janë grumbulluar për të protestuar për vdekjen e Soleimani, i vlerësuar si figura e dytë më e fuqishme e vendit pas Liderit Suprem Ajatullah Ali Khamenei, të tjerët shqetësohen se vdekja e tij mund ta shtyjë vendin drejt luftës me një superfuqi, njoftoi agjencia zyrtare e lajmeve IRIB.
Presidenti amerikan Donald Trump të shtunën kërcënoi se forcat e vendit të tij kanë vënë në shënjestër 52 lokacione iraniane dhe do t’i sulmojnë shpejt e fuqishëm në rast se Irani sulmon amerikanët apo asetet e tyre.
Trupi i Soleimanit u dërgua në qytetin e Ahvaz në Iranin jugperëndimor. Agjencia e lajmeve IRIB ka publikuar një video ku shihet një arkivol i mbështjellë me flamur iranian duke u shkarkuar nga një aeroplan, transmeton lajmi.net.
Mijëra persona të veshur në të zeza marshuan nëpër rrugën e Ahvazit për të protestuar dhe nderuar gjeneralin e tyre të vdekur. Arkivi i Soleimanit ishte drejtuar në mes të turmave të mëdha në pjesën e pasme të një kamioni.
