Java që vjen siç duket, do të jetë shpresa e fundit për arritjen e koalicionit mes Lëvizjes Vetëvendosje dhe Lidhjes Demokratike të Kosovës.
Këto dy parti u takuan dhjetëra herë, me qëllim të dakordimit të qëndrimeve. Ajo çka mbeti pengesë për një koalicion të mundshëm VV-LDK, ishin pakënaqësitë për pozitën e Presidentit.
Kryetari i LDK-së, Isa Mustafa, në kohën e para zgjedhjeve të 6 tetorit, kishte deklaruar se pengesë për arritjen e marrëveshjes ishte pozita e kryeministrit.
“Posti i kryeministrit është ai që po e zhagit këtë proces edhe ndoshta e pamundëson marrëveshjen”, kishte deklaruar ai.
Pas 6 tetorit kur Lëvizja Vetëvendosje doli e para, ‘lufta’ mes këtyre dy partive po bëhet për postin e Presidentit.
LDK ka ngulur këmbë dhe po e kërkon tani në mënyrë të padiskutueshme që pas 1 viti e gjysmë, kur do të zgjedhet edhe Presidenti i ri i vendit, ta bëj propozimin e saj, shkruan Insajderi
Për takimin e radhës mes këtyre dy partive akoma nuk është caktuar ndonjë datë ndërkohë, Lidhja Demokratike e Kosovës, nesër ka caktuar të mbaj mbledhjen për t’i diskutuar rrjedhat e deritanishme.
A po bën “lojë” politike Isa Mustafa me dy postet kyqe të vendit?!
Të ngjajshme Postime
Lajmet e fundit
Kjo faqe kontrollohet dhe menaxhohet nga IN MEDIA GROUP SHPK. Të gjitha materialet në të, përfshirë fotografitë, janë të mbrojtura me të drejta autoriale të In Media Group shpk. Ato nuk mund të kopjohen, të shtypen, të riprodhohen, të modifikohen, të transmetohen ose të përdoren për qëllime të përfitimit pa lejen paraprake të Gazetës Online “In Lajmi”.
Lajmet dhe materialet të vendosura në www.inlajmi.com të cilat janë të huazuara nga mediume apo portale të tjera mbeten e drejtë e patjetërsueshme e mediumeve përkatëse.